హితోపదేశ-సుభాషిత-శ్లోకాః - 0.40

 🙏హితోపదేశ-సుభాషిత-శ్లోకాః - 0.40🌺
🌷
మూలమ్--
మూర్ఖోఽపి శోభతే తావత్ సభాయాం వస్త్రవేష్ఠితః ।
తావచ్చ శోభతే మూర్ఖో యావత్కిఞ్చిన్న భాషతే॥౦.౪౦॥
🌺
పదవిభాగః--
మూర్ఖః అపి శోభతే తావత్ సభాయాం వస్త్రవేష్ఠితః । తావత్ చ శోభతే మూర్ఖః యావత్కిఞ్చిన్న భాషతే॥౦.౪౦॥
🌸
అన్వయః--
మూర్ఖః అపి సభాయాం వస్త్రవేష్ఠితః తావత్ శోభతే । మూర్ఖః యావత్ కిఞ్చిత్ న భాషతే తావత్ చ శోభతే॥౦.౪౦॥
🌼
ప్రతిపదార్థః--
మూర్ఖః = మూఢబుద్ధిః, అల్పధీః, అర్ధజ్ఞానీ ; శోభతే = సాధు దృశ్యతే ; సభాయాం = విద్వద్గోష్ఠ్యామ్ ; తావత్ = నిశ్చయేన ; వస్త్రవేష్టితః = మహార్హ-పట్ట-వస్త్రావృతః, (దుశాలా ఓఢే హుఏ) ; భాషతే = వదతి॥౦.౪౦॥
🌻
తాత్పర్యమ్--
మూఢః పురుషః అపి (సుసజ్జీభూయ సున్దర) వస్త్రాణి ధృత్వా సభాయాం నిశ్చయేన శోభనో దృశ్యతే । యావత్కాలం సః కిమపి న వదతి, తావత్ పర్యన్తం సః (పణ్డిత ఇవ) ఆదరం ప్రాప్నోతి ॥౦.౪౦॥
🌿
హిన్ద్యర్థః--
విద్వానోం కీ సభా మేం అచ్ఛా కపడా పహన కర కదాచిత్మూర్ఖ భీ శోభతా హై, పరన్తు వహ తభీ తక శోభతా హై, జబ తక వహ కుఛ బోలతా నహీం హై । అర్థాత్ ఉసకే బోలతే హీ ఉసకీ యోగ్యతా (మూర్ఖతా) మాలూమ హో జాతీ హై॥౦.౪౦॥
☘
ఆన్ధ్రప్రతిపదార్థః :-
సభాయాం = (విద్వత్) సభయందు ; వస్త్రవేష్టితః = (పండితులవంటి) వస్త్రములచే చుట్టబడిన ; తావత్ = అంతవరకు ; మూర్ఖః అపి = మందబుద్ధి కలవాడు కూడా ; శోభతే = (పండతుడి వలే) ప్రకాశించుచున్నాడు ; (సః = అటువంటి),మూర్ఖః = అల్పజ్ఞుడు ; తావత్ (ఏవ) = అంతవరకే ; శోభతే = ప్రకాశిస్తాడు ; యావత్ = ఎంతవరకు ; న భాషతే = మాట్లాడడో .॥౦.౪౦॥
🍀
ఆన్ధ్రతాత్పర్యమ్ :-
విద్వత్ సభయందు పండితులవంటి వస్త్రములను ధరించినంతవరకు, మందబుద్ధి కలవాడు కూడా, పండితుడి వలే ప్రకాశించుచున్నాడు . అటువంటి అల్పజ్ఞుడు అంతవరకే ప్రకాశిస్తాడు, ఎంతవరకైతే అతడు మాట్లాడడో. ॥౦.౪౦॥
🙏